الأهلاوية أنواع

الأهلاوية أنواع

أهلاوي بالفطرة:

وده الطبيعي في كل أنسان مصري أنه يتولد أهلاوي غير كده يبقى حالة شاذه وده مثبت في علم المصريات.

أهلاوي جداً :

وده ميفوتش ماتش للأهلي إلا لما يشوفه في التليفزيون طبعاً ويفضل ورا الفرقة ويفرح لما تكسب لكن ميزعلش نفسه لو خسروا وعمره ما راح أستاد ويوم ما الأهلي يخسر يفضل يشتم في الإدارة واللاعيبة والجهاز الفني وخلاص وميشغلش باله ويفكر ايه الحل ودوري كأهلاوي أيه.

أهلاوي بجد :

وده بيعشق تراب النادي بيعشق كل خيط قماش في الفانله الحمراء بيعشق لاعيبة الأهلي طول ما هما لابسين الفانلة الحمرا أو حتى سابوها بأحترام بيفرح أوي لفوز الأهلي لكن برضه بيبقى شايف عيوبه في وسط الفرحه.
وبيحزن أوي للهزيمة ويمكن يقعد يومين ملوش نفس ياكل ولا يتكلم ويقفل على نفسه الأوضه بالساعات لكن مبيشتمش حد من اللاعيبة أو على الأقل يقيم الأمور بموضوعية يفكر في الموضوع بشكل فني مينفعش اللي كنا بنقول عليهم أحسن لاعيبة مصر يوم الدوري من شهرين دلوقتي نقول عنهم مينفعوش يلعبوا كوره.